حڪيم غلام رسول لاکو
حڪيم غلام رسول لاکو
حڪيم غلام رسول لاکو: نامور حڪيم، ليکڪ ۽ سماج سڌارڪ رسول لاکو'>حڪيم غلام رسول لاکو ولد حاجي محمد عباس لاکو 5 اپريل 1952ع تي ڳوٺ دودي ٻگهيي، تعلقي قاضي احمد، ضلعي نوابشاهه (هاڻوڪي ضلعي بينظيرآباد) ۾ ڄائو. پرائمري تعليم ڳوٺ حاجي عمر سيٺر مان پاس ڪرڻ بعد مختلف ديني مدرسن مان عربي ۽ فارسيءَ جي تعليم حاصل ڪيائين. فاضل عربي سنڌ اورينٽل ڪاليج حيدرآباد مان؛ ايم. اي سنڌ يونيورسٽي ڄامشوري مان ۽ فاضل طب و الجراحت، اعظم طبيه ڪاليج حيدرآباد مان حاصل ڪيائين. سندس ڏاڏاڻي توڙي ناناڻي خاندان مان ڪيترائي عالم، اديب، شاعر ۽ حڪيم ٿي گذريا آهن، تنهنڪري لکڻ، پڙهڻ ۽ حڪمت جو ڌنڌو کيس ورثي ۾ مليو. هن علم طب جي ترقي ۽ واڌاري لاءِ پنهنجين ڪوششن سان 1980ع ڌاري مهراڻ طبي ايسوسيئيشن موري جو قيام عمل ۾ آندو، جنهن جو پاڻ جنرل سيڪريٽري مقرر ٿيو. انهيءَ ذميواريءَ کانپوءِ طبيبن جي مسئلن جي حل لاءِ سچائي سان ڪوششون ورتائين. 1987ع ڌاري نيشنل ڪائونسل فار طب اسلام آباد جي اليڪشن ۾ حصو ورتائين ۽ ڪائونسل جو ميمبر چونڊيو ويو. سندس ئي ڪوششن سان ’مهراڻ طبيه ڪاليج‘ مورو ۽ ’نيشنل طبيه‘ ڪاليج لاڙڪاڻو منظور ٿيا. 1982ع ڌاري حڪيمن جو وفد حج لاءِ ويو، جنهن جي سربراهي پڻ ڪيائين. هن طب بابت ڪيترائي ڪتاب لکيا، جن ۾ ميون مان ٺهندڙ طبي نسخن بابت ڄاڻ ڏنل آهي. طب جي موضوع تي ڪتابن کان سواءِ سندس شاعريءَ جا ڪتاب ڇپايل آهن.
سندس ڇپيل ڪتابن ۾: (1) دوا سازي (1999ع)، (2) استاد فارسي (مرتب: 2001ع)، (3) ابتدائي عربي گرامر (2001ع)، (4) اڪ ۽ ٻٻر (2003ع)، (5) اندر جي اڪير (مرتب)، (6) وڻ، ٻوٽا ۽ ميوا (2004ع)، (7) آسان طبي نسخا (2005ع)، (8) الطبيب ڀاڱو پهريون (2005ع)، (9) الطبيب ڀاڱو ٻيو، (10) دل ٿي پڪاري سنڌڙي (ترتيب) 2005ع، (11) وڻ، ٻوٽا، علاج ۽ فائدا (2007ع)، (12) ڦٽڪي جا فائدا (2007ع)، (13) طبي لغات الف، ب، ٻ (2009ع)، (14) الطبيب ڀاڱو ٽيون (2010ع)، (15) کير ۽ بيضا (2010ع) شامل آهن.
هيءُ هن وقت مهراڻ طيبه ڪاليج موري جو اعزازي ايڊمنسٽريٽر ۽ نائب صدر آهي
لفظ حڪيم غلام رسول لاکوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1952.04.05 عيسوي
نامور حڪيم، ليکڪ ۽ سماج سڌارڪ حڪيم غلام رسول لاکو ولد حاجي محمد عباس لاکو 5 اپريل 1952ع تي ڳوٺ دودي ٻگهيي، تعلقي قاضي احمد، ضلعي نوابشاهه (هاڻوڪي ضلعي بينظيرآباد) ۾ ڄائو.
شخصيتون - ڀاڱي جون ٻِيون داخلائون
چنيسر3اشتياق حسين قريشي ڊاڪٽر
جيلاني سيد محمد صالح اصغر
نذير احمد سومرو پروفيسر
زرداري سائينداد خان
بابا گرپت صاحب
جي اي رحيم
محمد حسن جان رحه سرهندي ٽکڙائي
اختر مورائي
بوزدار مسز راءِ ناز علي